Monday, October 26, 2015

அந்த 15 நிமிடங்கள்

ஹாய் கவிதா "கதிர் எப்படி இருக்கார்? எங்க குட்டிய கூட்டிட்டு ஸ்கூலுக்கு கிளம்பியாச்சா? " என்று வினவிய பக்கத்துத் தெரு ரஞ்சனிக்கு "கதிர் நல்லா இருக்கார், காவ்யாவை ஸ்கூல்ல விட்டுட்டு அப்படியே ஆபீஸுக்கு ஓடனும் முக்கியமான ப்ராஜெக்ட் போய்ட்டு இருக்கு மாமி இன்னொரு நாள் சாவகாசமா வீட்டுக்கு வாங்களேன் பேசலாம்" என்றவள் காவ்யாவை தூக்கி வண்டியில் நிறுத்தியபடி போகலாமாடா தங்கம் என்று வண்டியை செலுத்தினாள். 

வழி நெடுகிலும் மகள் கேட்ட பல தரப்பட்ட விஷயங்களுக்கும் மிகப் பொருமையாக விளக்கங்கள் அளித்தவாறே அன்பு, கொஞ்சல், சிரிப்பு என பள்ளிக்கு முன் வந்து நிற்கிறது வண்டி. மகளை பள்ளியில் இறக்கிவிட்டு உச்சி முகர்ந்து "சாயம்காலம் வரேன் செல்லம்" என்று கூறிவிட்டு நகர்கிறாள். 

என்ன யோசணை எப்போ பார்த்தாலும்? ஒரு நேரம் காலம் வேண்டாம்?? சீக்கிரம் சாப்பிடு உன்னை ஸ்கூலில விட்டுட்டு வந்து எனக்கு நிறைய வேலை இருக்கு என்ற வேலைக்காரப் பெண்ணிண் குரல், எண்ண ஒட்டங்களுக்கு முட்டுக்கட்டை போட,  ருசி மட்டுமே சேர்த்து சமைத்த உணவில்  அறையும் குறையுமாக நிறைந்த வயிறுடன், புத்தகப்பையை முதுகில் சுமந்தவாறு அப்பெண்ணின் கரம் பிடித்து பள்ளிக்கு புறப்படுகிறாள் காவ்யா. 

வாசல்வரை வந்தவள் ஏதோ மறந்தவளாய் குடுகுடுவென உள்ளே ஓடுகிறாள். வீட்டின் ஓர் அறைக்குள் சென்று நொடிப்பொழுதில் வாடிய முகத்துடன் மீண்டும் வாசலுக்கு வந்து, காத்திருக்கும் வேலைக்காரப் பெண்ணின் கரம் பற்றி தெருவில் நடக்கிறாள். எத்தனை அழகான பேச்சுக்களும் சிரிப்புமாக இருந்த இந்த பயணம் இன்று வெறுமையாக, ஒரு வித நெருடலான அமைதியுடன் ஆகிவிட்ட அவலம் அந்த குழந்தையின் மனதை வாட்டுகிறது பாவம்.

காவ்யாவின் கேள்விகளுக்கு எப்போதும் பதில் சொல்லும் கவிதா அன்று எதோ நிணைவுகளில் தொலைந்தவளாய் தன் கேள்விகளை காதில் கூட வாங்காமல் எதோ இயந்திரம் போல் காரியங்கள் செய்வது தெரிந்தது காவ்யாவிற்கு. அதற்கு மேல் தொந்தரவு செய்ய மனமில்லாதவளாக மௌனமாக பள்ளிக்கு தயாராகிறாள் காவ்யா. 
அரக்கப்பரக்க அலுவலகம் கிளம்பிய கணவனிடம் "எனக்கு இன்னிக்கு முக்கியமான ஒரு பிரசண்டேஷன் இருக்கு நீங்க குழந்தையை ஸ்கூல்ல விட்டுட்டு ஆபீஸ் கிளம்புங்க என்று பதிலுக்காக காத்திராமல் வாசலுக்கு விரைகிறாள் கவிதா. என்றும் இல்லாத பதட்டம் பரபரப்பு என தன் மணைவியை முதல் முறை பார்ப்பவன் போல் பார்க்கிறான் கதிர். "சரி நான் குழந்தையை விட்டுடறேன் நீ நேத்திக்கு ராத்திரி முழுக்க துங்கவே இல்ல, ஒண்ணு ரெண்டு மாசமாவே உடம்பை கவணிக்கிறதே இல்ல, யூ ஆர் நாட் ஆல்ரைட்", என்றான் கதிர். "ஒண்ணும் இல்ல நான் நல்லா தான் இருக்கேன். இந்த பிராஜெக்ட் கொஞ்சம் எக்ஸ்ட்ரா டெண்ஷண் அவ்வளவு தான். இண்ணிக்கு லைவ் சரியா போயிட்டா அப்பறம் ப்ரீ ஆகிடுவேன் கவலை படாதீங்க" என்று செல்லமாக கணவனின் கண்ணத்தை தட்டி விட்டு. காவ்யாவிடம் "இன்னிக்கு அப்பா உன்னை ட்ராப் பண்ணுவார் கண்ணா அம்மாக்கு டைம் ஆச்சு" என்றபடி உச்சி முகர்ந்தாள். ஜாக்கிரதையா ஓட்டு என்ற கதிரை பார்த்து ஒரு புண்முறுவல் உதிர்த்துவிட்டு வண்டியை செலுத்துகிறாள். 

"அம்மா அம்மா இங்க பாரு மா என்னை பாரு மா" குழந்தையின் குரல் காதுகளில் விழுகிறதே தவிர கை கால் உடல் என்று எதுவும் அசைவே இல்லாது இருக்கிறது கவிதாவிற்கு. என்ன ஆயிற்று எனக்கு எங்கு இருக்கிறேன் நான்? என்னால் நகர முடியவில்லையே வலி பொறுக்க முடியாமல் இருக்கிறதே ஐயோ என்று மனம் அழுகிறதே தவிர வாயை திறந்து பேச  முடியவில்லையே. கண் முன் இருப்பவை அனைத்துமே மங்கலாக அல்லவா தெரிகிறது. சிரமப்பட்டு கையை தூக்கி தொளாவிய மனைவியின் கரம் பற்றி "சிரமப்படாதே கவிதா உனக்கு ஒன்னும் இல்லை சிக்கிரமே சரி ஆகிடும்னு சொல்லி இருக்கார் டாக்டர் என்று தைரியம் சொல்கிறான் கதிர். அவள் கண்களில் வழியும் கண்ணீரை துடைக்கிறான் "என்னமா மறுபடியும் நடந்ததை நெனைச்சு அழுகிறாயா? அழுது உடம்ப கெடுத்துக்காதே. இப்போதான் சரி ஆகிட்டு வருது. குழந்தை ஸ்கூலுக்கு போயாச்சு, உனக்கு மருந்து குடுத்துட்டு வேலைகாரி வந்ததும் நானும் ஆபீஸ்  கிளம்பறேன் நல்லா சாப்பிட்டு ரெஸ்ட் எடு அப்போ தான் சீக்கிரம் சரி ஆகும்". 
கதிர் அவன் பங்கிற்கு எதோ வயிற்றை நிரப்பிக்கொண்டு அலுவலகம் கிளம்ப ஆயத்தமாகிறான். 

எல்லோரும் மெச்சும்படியான குடும்ப வாழ்வு, வீடு, வேலை, சம்பளம் என குறையே இல்லாத வாழ்க்கை வாழ்ந்துவந்த கவிதாவிற்கு யாருடைய கண்பட்டதோ இன்று படுத்த படுக்கையாக  இருக்கிறாள். யாருக்காக இந்த ஓடம், எதற்காக இந்த அவஸ்தை உடல் வருத்தி நேரம் கால் இல்லாமல் உழைத்து ஆதாரத்தை விட்டுவிட்டோமே என்ற ஆதங்கம் அவளை வாட்டுகிறது. அந்த ஒரு 15 மணித்துளிகள் சாலையில் கவனம் செலுத்தி இருந்தால் இன்று யாரோ ஒருத்தி சோறு ஊட்டி தன் செல்வத்தின் கையை கடனென பிடித்து நடக்க வேண்டிய நிலை வந்திருக்காதே, என்றும் உற்சாகமாய் இருக்கும் கணவன் வாடிய முகத்துடன் தன்னை ஒரு கைக்குழந்தையைப் போல் கவனிக்க வேண்டிய நிலையும் வந்திருக்காதே. இறைவா இந்த ஞானோதயம் இரண்டு மாதங்கள் முன் அன்று காலை வந்திருக்கக் கூடாதா என்று புலம்புகிறாள்.

இயந்திரமாய் வேலைக்குச் சென்ற அந்த ஒரு காலை, சாலையில் பள்ளம் இருந்ததை கவனிக்காமல் வண்டியை செலுத்தியதன் விளைவு நான்கு மாதங்கள் தன்னை படுக்கையில் படுக்க வைத்து விட்டதே என்று வருந்துகிறாள் கவிதா. இன்று தன்னை பார்க்க வரும் தோழிகள், உற்றார், உறவினர் என்று அனைவரிடமும் சாலியில் போகும்போது கவனம் அதில் மட்டும் இருக்கட்டும் என்னைப் போல் கவனத்தை சிதறவிட்டு பின் வருந்தாதீர்கள் என்று ஒன்றிற்கு நூறு முறை சொல்கிறாள். 

சாலையில் கவனம் மகிழ்ச்சியான பயணம். 

இந்த கதை சாலையில் வண்டியை செலுத்தும் நம் ஒவ்வொருவருக்கும் ஒரு பாடம். சுவர் இருந்தால் மட்டுமே சித்திரம் வரைய முடியும். 



.

Wednesday, April 29, 2015

இசை அரசிக்கு பிறந்தநாள் வாழ்த்து

சுந்தரம் பொங்கும் சுந்தரியாய்
சூடாமணியின் தவ புதல்வியாய்
வெங்கடராமனின் அன்பு பொக்கிஷமாய்
சாயிபாபாவின் செல்ல பிள்ளையாய்
வசந்தகுமாரியின் இசை வாரிசாய் 
தரணியில் வந்த தாரகையே


தாயின் கனவை உயிற்பித்தாய்

முயற்சியே மூச்சாய் சுவாசித்தாய்

குருபக்தியே கடமையாய் கொண்டாய்

குருவடி பணிந்து கற்றாய்

குரு மெச்சிய சிஷ்யையாய்
குரு நிழல் தொடரந்தாய்

குநாதனின் கரம் பிடித்து
புது வைரமாய் ஜொலித்தாய்
கௌஷிக் மாளவிகா பிள்ளளைகளாய்
குறைவில்லா குடும்பம் கிடைக்கப்பெற்றாய்
இசையை அமுத  வெள்ளமாய்
இவ்வுலகில் அள்ளித் தெளித்தாய்

குணக்குன்றாய் கருணை கடலாய்
இன்முகம் காட்டும் இயல்புடையவளாய்
இசை உலகின் பேரரசியாய் 
இந்தியாவின் பாரம்பரியம் பரப்புகிறாய் 
பார் போற்றும் பாடகியே
பாரதத்தின் பெருமைமிகு செல்வமே

நாதத்தின் நாயகி நீ
சங்கீதத்தின் சாகரம் நீ
புன்னகையின் அரசி நீ
சமுதாயத்தின் சகோதரி நீ
விருதுகளின் உறைவிடம் நீ
உற்சாகத்தின் பிறப்பிடம் நீ

தன்னிகரில்லா ராக தீபமே
தாமரையாய் விளம்கும் பத்மபூஷணமே 
சங்கீத கலையின் நிதியாம்
எங்கள் சங்கீத கலாநிதியே
கலைகளின் சிறந்த இசையின்
மணியே எங்கள் கலைமாமணியே

இன்று பிறந்தநாள் காணும்
இறைக்கு நிகரான ஆருயிரே
என்றும் இன்புற்று இசைபெருக 
இறையின் திருவருள்  வேண்டி  
வாழ்த்த வயதில்லை வணங்குகிறேன் 
உங்கள்  பொற் பாதங்களை.



Birthday Wishes to The Queen Of Music

Special is a small word
to describe the love u shared

Unconditionally towards a young girl
uplifting her fast drowning spirits

Drenching her with your affection
displaying what true care looks-like

Hovering her along the way
happiness spreading all the way

Amazing is even tiny  to
all affection you have showered

Raining music filled with love
raising her faith in life

Astound I sit digging and   
amassing  the words to anecdote

Golden are every single moment 
genuine is the joy experienced

Unmatched is your true love
uncommon is someone like you

Naive does my language gets
not knowing words to express

All the affection I possess
and the devotion I depict

Towards the greatest person ever
the reigning music queen here

Humbly I bow down to 
your virtue and trait ever

Always wishing you the best
and only the best ever

Now wishing you Happy Birthday
and many many more to come

Happy Birthday Sudha amma :)


  

Thursday, April 23, 2015

தானம் பெற்றதைத் திருப்பிக்கொடு

பாசமுடன் நேசமுடன் அன்புடன் 
பரிவுடன் பாதுகாத்திருக்க வேண்டிய 
பொக்கிஷத்தை இரந்து நிற்கிறானென்று 
இறைவனுக்கு இரவல் தந்தோம் 
கொடுத்ததைத் திருப்பித்தர மறுக்கிறான் 
கரம்குவித்து கையேந்தி நிற்கிறோம் 
இரக்கம் இல்லாதவன் இறைவன் 
இரவலல்ல தானம்தந்தாய் என்கிறான் 

அன்பில் ஆழ்கடலாய் அமுதாய் 
தைரியத்தின் திருஉருவாவாம் சக்தியாய் 
பொறுமையின் பாசறையாம் பூமிதேவியாய்  
உற்சாகத்தில் உளம்நிறைக்கும் குழந்தையாய் 
மனவலிமையில் அசைக்கமுடியா மாமலையாய் 
கைவேலைகளில் சரஸ்வதியின் மறுபிறப்பாய்
எல்லாமுமாய் இருந்தவளை இரவல்தந்து 
ஏதும் அற்றவராய் பரிதவிக்கிறோம் 

தானம் பெற்று இறைவன் 
தன்னிகரில்லா இன்பம் அனுபவிக்கிறான் 
திரும்பிவா எங்கள் தானமே 
தவிக்கின்றோம் நீ இன்றி 
தானம் தந்ததை திரும்பப்பெற்றவர் 
தரமில்லா தன்நலப் பேய்களென 
தரணியே துற்றினாலும் துவளோம்  
தனிகரில்லா தானமே திரும்பிவா 

இரந்து நின்ற இறைவா 
இரக்கம் இல்லா இறைவா
இயற்க்கை நியதிஎன சொல்லி  
இன்முகம் காட்டி இரவல்பெற்றதை 
இரந்து நிற்கின்றோம் உன்னிடம் 
இறுக்கமான முகத்துடநேனும் திருப்பித்தா 
இறைவா எங்களிடம்நீ இரந்து 
இன்றுடன் ஈரொன்பது ஆண்டுகள் 

வாழ்க்கை இதுதான் என 
வாழ கற்று கொண்டோம் 
வருவதில்லையாம் தானம் தந்தவை 
வானவரும் தானம் தரமாட்டார் 
வாரியணைக்கும் அன்பு அன்னையை 
வஞ்சம் பல செய்தே 
வாரிச் சென்றான் இறைவன்  
வானுலகிற்கு எங்கள் அன்னையை 

எங்கும் செல்லவில்லை அவள்  
எங்கும் எதிலும் இருக்கின்றாள்  
எங்கும் ஒளிவீசும் சூரியனாய்  
ஏகாந்தமாய் ஒளிரும் நிலவாய் 
எங்கும் நிறைந்திருக்கும் காற்றாய்
என்றும் எங்களுடன் இருக்கின்றாள் 
ஏமார்ந்தான் எங்களிடத்தில் இறைவன்.

அறம் சொல்லி கொடுக்க 
அன்புடன் கூடிய அமுதளிக்க 
அமரர்களை ஆதரவுகாட்டி அரவணைக்க
ஆள்லிலாமல் ஆனாதையாய் நிற்கின்றானம் 
அண்டம் ஆளும் இறைவன்
அன்பு காட்டி நல்வழிபடுத்த 
அழைத்துச் சென்றானாம் இறைவன் 
அனைவரையும் காத்திடுஎன் அன்னையே. 



  

  

Thursday, March 12, 2015

Happy Birthday Sudha amma

A birthday dedicaton to the nightingale  


You are

Affectionate as aarabhi
Beautiul as bhoopalam
Calm as kambodhi
Dedicated as Dhanyasi

You manifest as

Mentor in mohanam
Confidante in kadhanakudhukalam
Guide in gowlai 
Sister in sindhubhairavi


Heartbeat in harikamboji
Launguage in lathangi
Thoughts in thenuka
Actions in aaboghi

You are the
voice that fills 
my world and soul
since everything is you 
Should I say -There
is no me sans You

Being actions, thoughts
love, passion, happiness
life,  joy, strength 
Is just one

And its Mom
And Mom is Goddess
So Goddess is you.

Have a wonderful B'day


Tuesday, March 10, 2015

தந்தை

வயிற்றில் சுமந்தது இல்லை - உன்னை
விந்தின் வழி உயிர் தந்தார்

உச்சி  முகர்ந்தது இல்லை - உன்னை

உதிரம் சிந்தி உழைத்துக் கொண்டிருந்தார்

உணவு ஊட்டியது இல்லை - உனக்கு

உன் உணவிற்காக ஓடாய் தேய்ந்துகொண்டிருந்தார்

ஆறத் தழுவியது இல்லை - உன்னை

அறத்தின் வழி நடக்க கற்றுக்கொடுத்தார்

அன்பாய் பேசியது இல்லை - உன்னிடம்

நீ அச்சப்படாமல் இருக்க அருகிருந்தார்

நீ பிறப்பதற்கு முன்பிருந்தே உனக்காக

தன்சோறு குறைத்து சொத்து சேர்த்தவர்

உனக்காக பெரிதாய் பலகனவு கண்டு

பறைசாற்றாமல் பண்பாய் வாழ கற்றுக்கொடுத்தவர்

செயலில் சிந்தனையில் மூச்சில் பிள்ளையின்

நலன் மட்டுமே சித்தமாய் கொண்டு

பாராட்டுகளுக்காகவும் தனக்கான தினத்திற்காகவும் காத்திராமல்

பாசம் மட்டுமே உயிர்மூச்சாய் கொண்டு

வாழும் நூலகமாய் வங்கியாய் பாதுகாவலனாய்

இருக்கும் தந்தைகளுக்கு இக்கவிதை சமர்ப்பணம்




Sunday, March 8, 2015

மகளீர் தினம் :)

பொறுமையின் வடிவம் நம்மை -சுமப்பவள் 
தாய் தெய்வம்போல் என்றீர் 

பூமி நம்மை சுமப்பதால் - அவளை 
பூமித் தாய் என்றீர் 
உயிர்கள் வாழ்வதற்க்கு வான்மழை - வேண்டும் 
வானம் பார்த்தபூமி என்றீர் 

வானம் பொய்த்தால் பூமியில் - பட்டினி 
பஞ்சம்  மேலிடும் என்றீர் 

கொட்டித் தீர்க்கும் இடிமின்னல் - கூடிய  
வான்மழையை  வருணன் என்றீர் 

வருணன் ஆண்மகன் அவன் - இறங்கினால்தான் 
பூமி வாழும் என்றீர் 

பூமித் தாய்  மரங்கள் - தாங்கி
வானுக்கு அனுப்பும் மழையை 

திருப்பித் தரும் வருணன் - தன்னலமில்லா 
கொடை  வள்ளல் என்றீர் 

இயற்கையிலும் பெண் வாழ - அவளே 
பாரம் சுமந்து உழைக்கவும்  

அவள் சிறப்புடன் வாழ - ஆண்மகன்  
தயையே தேவை என்றீர் 

பூமிக்கு மழை தேவையெனில் - மழைக்கு 
மரங்கள்சுழ் பூமி தேவையன்றோ 

வான்மழை பெய்யவும் பூமியின் - தயை 
வேண்டுமென்று சொல்ல ஏன்மறந்தீர்?

மகளீர் தின வாழ்த்துக்கள் :)


There was an error in this gadget