Wednesday, July 19, 2017

என் காதல்

என்றும் மாறாத என் காதலே
எத்தனை எத்தனை  வருடங்கள் ஆகினும்
உன்னால் நான் கொள்ளும் மயக்கம்
அப்படியே இருக்க என்னதவம் செய்தேன்

வண்ண வண்ண உடை உடுத்துகிறாய்
பன்மொழி வார்த்தைகளில் ஜாலங்கள் காட்டுகிறாய்
உலகின் போதைப் பொருட்கள் தோற்றுப்போயின
உன் பெயரை கேட்டதுமே கிரங்குகிறேன்

பெற்றவரும் பாராட்டும் காதல் நீ
உன்னை நான் கரம் பிடிக்க
என்னை விடவும் என் பெற்றோர்
பெரு மகிழ்ச்சியில் உள்ளம் குளிர்கின்றனர்

தோள் கொடுக்கும் என்னுயிர் தோழியரோ
உன் மீது நான் கொண்டது
குருட்டுக் காதல் என்று ஏசினர்
உன் அருமை தெரியவில்லை அவர்களுக்கு

உன்மீது காதல் கொண்டவர் பலர்
எனினும் என் காதல் புனிதமானது
உன்னை என் கையில் ஏந்த
இவ்வுலகு மறந்து கண்கள் மூடுகிறேன்

ஏன் கையில் உன்னை அனைத்து
உன் மீது முகம் புதைத்து
உறங்கும் இன்பத்தை என்னவென்று சொல்வது
என் புத்தகமே என்தருமை காதலே !!


படிக்கலாம்னு புத்தகத்தை கையில் தொட்டாலே...... 

2 comments:

  1. படிக்கலாம்னு புத்தகத்தை கையில் தொட்டாலே......


    எனக்கு தூக்கம் தூக்கமா வருது!
    உங்களுக்கு கவிதையா வருது!
    வெளுத்து வாங்குங்கோ 

    ReplyDelete
    Replies
    1. Madhangi .....எனக்கும் தூக்கமா வருதுங்கறத தான் கவிதையா சொல்லி இருக்கேன் ... LoL

      Delete